(26 ނޮވެމްބަރު 2021 ގައި ޝާއިއުކުރި ބަޔާ ގުޅޭ)
ﷲ ވަނީ ހުރިހާކަމެއް ، ކުރިން ލިޔުއްވައި ނިންމަވާފައެވެ
إِنَّا كُلَّ شَيْءٍ خَلَقْنَاهُ بِقَدَرٍ
ހަމަކަށަވަރުން، ތިމަން ﷲ، ކޮންމެ އެއްޗެއް ހައްދަވާފައިވަނީ، ކަނޑައަޅުއްވާފައިވާ ވަކި މިންވަރަކަށެވެ. (ޤަމަރު : 49)
****
مَا أَصَابَ مِنْ مُصِيبَةٍ فِي الْأَرْضِ وَلَا فِي أَنْفُسِكُمْ إِلَّا فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ
އެއްވެސް މުޞީބާތެއް، ތިމަން ﷲ، އެ މުޞީބާތެއް ވުޖޫދަށް ނެރުއްވުމުގެ ކުރިން، ފޮތެއްގައި ( އެބަހީ : ( اللوح المحفوظ ގައި ) ލިޔުއްވާފައިވާ ޙާލުގައި މެނުވީ، ބިމަށްވިޔަސް، ނުވަތަ ތިޔަބައިމީހުންގެ އަމިއްލަ ނަފުސުތަކަށްވިޔަސް، އައިސް ނުޖެހެއެވެ. ހަމަކަށަވަރުން، އެކަންތަކަކީ، ﷲ އަށް، ދާދި ފަސޭހަ ކަމެކެވެ. (ޙަދީދު : 22)
****
އެންމެފަހުގެ ނިންމެވުން ވަނީ އެކަލާނގެ ޙަޟުރަތުގައެވެ
ثُمَّ رُدُّوا إِلَى اللَّهِ مَوْلَاهُمُ الْحَقِّ ۚ أَلَا لَهُ الْحُكْمُ وَهُوَ أَسْرَعُ الْحَاسِبِينَ
ދެން، އެއުރެންގެ އެހީތެރިވަންތަ، ޙައްޤުވަންތަ ﷲ ގެ ޙަޟްރަތަށް، އެއުރެން ރައްދު ކުރައްވާނެތެވެ. ދަންނާށެވެ ! ޙުކުމް ކުރެއްވުން އޮތީ، އެކަލާނގެއަށެވެ. އެކަލާނގެ، ހިސާބު ބެއްލެވުމުގައި އަވަސްވެ ވޮޑިގެން ވެއެވެ. ( އަންޢާމު : 62)
****
هَلْ يَنْظُرُونَ إِلَّا أَنْ يَأْتِيَهُمُ اللَّهُ فِي ظُلَلٍ مِنَ الْغَمَامِ وَالْمَلَائِكَةُ وَقُضِيَ الْأَمْرُ وَإِلَى اللَّهِ تُرْجَعُ الْأُمُورُ
ތުނި ވިލާތަކުގެ ހިޔާތަކެއްގެ ތެރެއިން ﷲ ގެ، ( ކޯފާގެ ) އަމުރުފުޅާއި، މަލާއިކަތުން އެއުރެންގެ ގާތަށް ވަޑައިގަތުމަށް މެނުވީ، އެއުރެން ބަލަ ބަލައި ނުތިބެނީ ހެއްޔެވެ ؟ އެހިނދު، ނިޔާ ކަނޑައެޅި ނިމިއްޖެއެވެ. ހުރިހާކަމެއްގެ ނިޔާ، އެނބުރި ދާހުށީ، ﷲ ގެ ޙަޟުރަތަށެވެ. ( ބަޤަރާ :210)
****
وَلِلَّهِ مَا فِي السَّمَاوَاتِ وَمَا فِي الْأَرْضِ وَإِلَى اللَّهِ تُرْجَعُ الْأُمُورُ
އަދި، އުޑުތަކުގައި ވާހާ އެއްޗަކާއި، ބިމުގައި ވާހާ އެއްޗެއް، މިލްކުވެ ވޮޑިގެންވަނީ، ﷲ އަށެވެ. އަދި، އެންމެހައި ކަންތައް ރުޖޫޢަ ކުރައްވާހުށީ އެކަލާނގެ ޙަޟްރަތަށެވެ. (އާލް ޢިމްރާން : 109)
****
وَمَنْ يُسْلِمْ وَجْهَهُ إِلَى اللَّهِ وَهُوَ مُحْسِنٌ فَقَدِ اسْتَمْسَكَ بِالْعُرْوَةِ الْوُثْقَى وَإِلَى اللَّهِ عَاقِبَةُ الْأُمُورِ
އިޙުސާންތެރިވެ ހުންނަ ޙާލު، ﷲ އަށް ކިޔަމަންވެ ކުރިމަތިލާ މީހާ، ( ދަންނާށެވެ ! ) ފަހެ، އެމީހާ، އެންމމެ ވަރުގަދަ ޢަޤީދާގައި ހިފަހައްޓައިފިކަން ކަށަވަރެވެ. އަދި، ކަންކަމުގެ ނިމުންވަނީ، ﷲ ގެ ޙަޟްރަތަށެވެ. (ލުޤްމާން : 22)
****
إِلَى رَبِّكَ يَوْمَئِذٍ الْمُسْتَقَرُّ
އެދުވަހުން ގޮސް، ހަމަޖެހުންވަނީ، ތިބާގެ ވެރި މާތް ކަލާނގެ ޙަޟްރަތަށެވެ. (ޤިޔާމަތު : 12)
****
وَلِلَّهِ غَيْبُ السَّمَاوَاتِ وَالْأَرْضِ وَإِلَيْهِ يُرْجَعُ الْأَمْرُ كُلُّهُ فَاعْبُدْهُ وَتَوَكَّلْ عَلَيْهِ وَمَا رَبُّكَ بِغَافِلٍ عَمَّا تَعْمَلُونَ
އަދި، އުޑުތަކާއި ބިމުގެ ޣައިބު ދެނެވޮޑިގަތުންވަނީ، ﷲ އަށެވެ. އަދި، އެންމެހައި ކަންތައް ރުޖޫޢަ ކުރައްވާހުށީ، އެކަލާނގެ ޙަޟްރަތަށެވެ. ފަހެ، ކަލޭގެފާނު، އެކަލާނގެޔަށް އަޅުކަން ކުރައްވާށެވެ. އަދި، އެކަލާނގެއަށް ވަކީލު ކުރައްވާށެވެ. ތިޔަބައިމީހުން ކުރާ ޢަމަލުތަކާމެދު، ކަލޭގެފާނުގެ ވެރި މާތް ކަލާނގެ، ޣާފިލުވެ ވޮޑިގެންނެއް ނުވެއެވެ. (ހޫދު : 123)
****
ﷲ އެކަލާނގެ އިރާދަ ކުރައްވައިފި ކޮންމެ ކަމެއް ކުރައްވަތެވެ
وَهُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ وَكَانَ عَرْشُهُ عَلَى الْمَاءِ لِيَبْلُوَكُمْ أَيُّكُمْ أَحْسَنُ عَمَلًا وَلَئِنْ قُلْتَ إِنَّكُمْ مَبْعُوثُونَ مِنْ بَعْدِ الْمَوْتِ لَيَقُولَنَّ الَّذِينَ كَفَرُوا لَيَقُولَنَّ الَّذِينَ كَفَرُوا إِنْ هَذَا إِلَّا سِحْرٌ مُبِينٌ
އަދި، އެކަލާނގެއީ، ހަ ދުވަހުގެ ތެރޭގައި، އުޑުތަކާއި ބިން ހެއްދެވި މާތް ކަލާނގެއެވެ.ﷲ އެވެ. އެކަލާނގެ ޢަރުޝު (އޭރު) ވަނީ ފެންމަތީގައެވެ. (އެއީ) ތިޔަބައިމީހުންގެ ތެރެއިން، އެންމެ ޢަމަލު ރަނގަޅީ ކާކުތޯ އިމްތިޙާން ކުރެއްވުމަށެވެ. އަދި، މަރުވުމަށްފަހު، ހަމަކަށަވަރުން، ތިޔަބައިމީހުން އަލުން ދިރުއްވައި، މަޙުޝަރަށް ފޮނުއްވާނެއޭ ކަލޭގެފާނު ވިދާޅު ވެއްޖެނަމަ، ހަމަކަށަވަރުން، ކާފަރުވީ މީހުން ބުނާނެތެވެ. މިއީ، ބަޔާންވެގެންވާ، ޖާދޫއެއްކަމުގައި މެނުވީ ނުވެއެވެ. (ހޫދު : 7)
****
أَلَمْ تَرَ إِلَى الَّذِينَ يُزَكُّونَ أَنْفُسَهُمْ بَلِ اللَّهُ يُزَكِّي مَنْ يَشَاءُ وَلَا يُظْلَمُونَ فَتِيلًا
ތިމާމެންގެ އަމިއްލަ ނަފުސުތަކަށް ތާރީފު ކުރާ މީހުން، ކަލޭގެފާނު، ދެކެވަޑައި ނުގަންނަވަމުތޯއެވެ ؟ އަދި، ކިއެއްތަ، ﷲ، އެކަލާނގެ އިރާދަ ކުރެއްވި މީހަކަށް، ތާރީފު ކުރައްވަތެވެ. އަދި، ކިތަންމެ ކުޑަ މިންވަރަކުން ވިޔަސް، އެއުރެންނަށް ބޭއިންޞާފެއް ނުކުރައްވާނެތެވެ. (ނިސާއު : 49)
****
إِنَّ اللَّهَ يُدْخِلُ الَّذِينَ آمَنُوا وَعَمِلُوا الصَّالِحَاتِ جَنَّاتٍ تَجْرِي مِنْ تَحْتِهَا الْأَنْهَارُ إِنَّ اللَّهَ يَفْعَلُ مَا يُرِيدُ
ހަމަކަށަވަރުން، އީމާންވެ، ޞާލިޙު ޢަމަލުތައްކުރި މީހުން، އެތަންތާނގެ ދަށުން ފެންކޯރުތައް ހިނގަ ހިނގާ ހުންނަ ސުވަރުގެތަކަށް، ﷲ، އެއުރެން ވައްދަވާނެތެވެ. ހަމަކަށަވަރުން، ﷲ އެކަލާނގެ އިރާދަކުރައްވާކަމެއް ކުރައްވަތެވެ. (ޙައްޖު : 14)
****
رَبُّكُمْ أَعْلَمُ بِكُمْ إِنْ يَشَأْ يَرْحَمْكُمْ أَوْ إِنْ يَشَأْ يُعَذِّبْكُمْ وَمَا أَرْسَلْنَاكَ عَلَيْهِمْ وَكِيلًا
ތިޔަބައިމީހުންގެ ވެރި މާތް ﷲ، ތިޔަބައިމީހުން ދެނެވޮޑިގަތުން ބޮޑެވެ. އެކަލާނގެ އިރާދަ ކުރައްވާނަމަ، ތިޔަބައިމީހުންނަށް، ރަޙުމަތް ލައްވާނެތެވެ. ނުވަތަ، އެކަލާނގެ އިރާދަ ކުރައްވާނަމަ، ތިޔަބައިމީހުންނަށް ޢަޛާބު ދެއްވާނެތެވެ. އަދި، އެއުރެންގެ މައްޗަށް ހުންނެވި ވަކީލަކު ކަމުގައި، ތިމަން ﷲ، ކަލޭގެފާނު ނުފޮނުއްވަމެވެ. (އިސްރާއު : 54)
****
فَمَنْ شَاءَ ذَكَرَهُ وَمَا يَذْكُرُونَ إِلَّا أَنْ يَشَاءَ اللَّهُ هُوَ أَهْلُ التَّقْوَى وَأَهْلُ الْمَغْفِرَةِ
ފަހެ، ބޭނުން މީހަކު ( އެ ޤުރުއާން ) ހަނދުމަކުރާހުށި ކަމެވެ. އަދި، ﷲ އިރާދަކުރެއްވިއްޔާ މެނުވީ، އެއުރެންނަކަށް ހަނދާނެއް ނުކުރެވޭނެތެވެ. އެކަލާނގެއީ، ( މީސްތަކުން އެކަލާނގެއަށް ބިރުވެތިވެ ) ތަޤުވާވެރިވުން ޙައްޤު ވެގެންވާ، އަދި، ( ކިޔަމަންގަތް އަޅުންނަށް ) ފާފަތައް ފުއްސެވުމުގެ ވެރި، މާތް ﷲ އެވެ. (މުއްދަޘިރު : 55، 56)
****
وَلَا يَنْفَعُكُمْ نُصْحِي إِنْ أَرَدْتُ أَنْ أَنْصَحَ لَكُمْ إِنْ كَانَ اللَّهُ يُرِيدُ أَنْ يُغْوِيَكُمْ هُوَ رَبُّكُمْ وَإِلَيْهِ تُرْجَعُونَ
ތިޔަބައިމީހުން މަގުފުރެއްދެވުމަށް، ﷲ އިރާދަކުރައްވާ ކަމުގައި ވީނަމަ، ތިޔަބައިމީހުންނަށް ނަޞޭޙަތްދެއްވަން، ތިމަން ކަލޭގެފާނު އެދިވަޑައިގަތަސް، ތިމަންކަލޭގެފާނުގެ ނަޞޭޙަތަކުން، ތިޔަބައިމީހުންނަށް މަންފާއެއް ނުކުރާނެތެވެ. އެކަލާނގެއީ، ތިޔަބައިމީހުންގެ ވެރި މާތް ﷲ އެވެ. އަދި، ތިޔަބައިމީހުން ރުޖޫޢަ ކުރައްވާހށީ، އެކަލާނގެ ޙަޟްރަތަށެވެ. ( ހޫދު : 34)
****
أَلَمْ تَعْلَمْ أَنَّ اللَّهَ لَهُ مُلْكُ السَّمَاوَاتِ وَالْأَرْضِ يُعَذِّبُ مَنْ يَشَاءُ وَيَغْفِرُ لِمَنْ يَشَاءُ وَاللَّهُ عَلَى كُلِّ شَيْءٍ قَدِيرٌ
ހަމަކަށަވަރުން، އުޑުތަކާއި ބިމުގެ ވެރިކަން، ﷲ އަށް، މިލްކުވެގެންވާކަން، ތިބާ ދުނަންނަމު ހެއްޔެވެ ؟ އެކަލާނގެ، އިރާދަކުރައްވާ މީހަކަށް، އެކަލާނގެ ޢަޛާބު ދެއްވަތެވެ. އަދި، އެކަލާނގެ އިރާދަކުރައްވާ މީހަކަށް، އެކަލާނގެ، ފާފަ ފުއްސަވަތެވެ. ﷲ އީ، ކޮންމެ ކަމެއްގެ މައްޗަށް ކުޅަދުންވަންތަ، މާތް ކަލާނގެއެވެ. ( މާއިދާ : 40)
****
وَالَّذِينَ كَذَّبُوا بِآيَاتِنَا صُمٌّ وَبُكْمٌ فِي الظُّلُمَاتِ ۗ مَنْ يَشَإِ اللَّهُ يُضْلِلْهُ وَمَنْ يَشَأْ يَجْعَلْهُ عَلَىٰ صِرَاطٍ مُسْتَقِيمٍ
ތިމަން ﷲ ގެ އާޔަތްތައް ދޮގުކުޅަ މީހުންވަނީ، އަނދިރީގެތެރޭގައިވާ، ބީރު އަދި މަންމަނު ބަޔަކުކަމުގައެވެ. ﷲ އިރާދަކުރައްވާ މީހަކު، މަގުފުރައްދަވަތެވެ. އަދި، އެކަލާނގެ އިރާދަކުރައްވާ މީހަކު، ސީދާވެގެންވާ ތެދުމަގެއްގައި ލަހައްޓަވަތެވެ. (އަންޢާމު: 39)
(ނުނިމޭ)