الْحَمْدُ لِلَّهِ رَبِّ الْعَالَمِينَ وَالصَّلاَةُ وَالسَّلاَمُ عَلَى الْمَبْعُوثِ رَحْمَةً لِلْعَالَمِينَ، وَبَعْدُ!
އިސްލާމް ދީނުގައި ރޯދަ ހިފުމާއި ރޯދަ ހިފުން ހުއްޓާލުން އޮންނަނީ ހަނދާ ގުޅިފައެވެ. މާތް ﷲ ވަޙީ ކުރަށްވާފައި ވެއެވެ. يَسْأَلُونَكَ عَنِ الْأَهِلَّةِ ۖ قُلْ هِيَ مَوَاقِيتُ لِلنَّاسِ وَالْحَجِّ (އޭ ރަސޫލާއެވެ! ހުޅެވި ހަނދާ ބެހޭގޮތުން އެެއުރެން ކަލޭގެފާނާ އެބަ ސުވާލު ކުރެއެވެ. ވިދާޅުވާށެވެ. އެއީ މީސްތަކުންގެ ދިރިއުޅުމުގެ ކަންކަމުގެ ވަގުތާއި ޙައްޖުގެ ވަގުތު ކަނޑައެޅުމުގައި އެހީތެރިވެދޭ އެއްޗެކެވެ.)
ރޯދަ ހަނދާއި ޢީދު ހަނދު ބެލުމަކީ މުސްލިމުންގެ މެދުގައި އޮންނަ ވަރަށް ބޮޑު ސަގާފީ އިޖްތިމާޢެކެވެ. ހަނދުބެލުމަށް އިރްޝާދު ދެއްވަމުން رَسُولُ اللَّهِ ޞައްލަﷲ ޢަލައިހި ވަސައްލަމް ޙަދީޘު ކުރަށްވާފައި ވެއެވެ. صُومُوا لِرُؤْيَتِهِ وَأَفْطِرُوا لِرُؤْيَتِهِ فَإِنْ غُبِّيَ عَلَيْكُمْ فَأَكْمِلُوا الْعِدَّةَ ثَلَاثِينَ (ތިޔަބައިމީހުން ހަނދު ފެނުމުން ރޯދަ ހިފާށެވެ. އަދި ހަނދު ފެނުމުން ރޯދަ ހިފުން ހުއްޓާލާށެވެ. އެހެނަސް ހަނދު ނުފެންނަގޮތް ވެއްޖެނަމަ މަހުގެ ތިރީސް ދުވަސް ހަމަކުރާށެވެ.)
1441 ގައި މިހިނގާ ރޯދަ މަސް ނިމި ފިޠުރު ޢީދަށް ޝައްވާލު މަހުގެ ހަނދުބަލާ ދުވަހަކީ މޭ 22 ވާ ހުކުރު ދުވަހެވެ. ދުނިޔޭގެ ގިނަ ޤައުމު ތަކަށެވެ. އިސްލާމީ ދުނިޔޭގެ ސަރުކާރުތަކުން ވަނީ ހޮނިހިރު ވިލޭރޭ ހަނދުބެލުމަށް އިޢުލާންކޮށްފައެވެ. އެހެންނަަމަވެސް ފަލަކީ ޢިލްމުވެރިން ވިދާޅުވާ ގޮތުގައި ދުނިޔޭ އެއްވެސް ޤައުމަކަށް ޝައްވާލުމަގުގެ ހަނދު ނުފެންނާނެެއެވެ. ޢަރަބި ޤައުމު ތަކާއި އުތުރު އޭޝިޔާގެ ޤައުމުތަކާއި އެފްރިކާ ބައްރުގެ އެނެްމެހައި ޤައުމުގައި ދިރާސާތަކުން ދައްކަނީ ހުކުރު ދުވަހުގެ އިރު އޮއްސުމުގެ ކުރިން ހަނދު ގެއްލޭނެ ކަމަށެވެ. ގަލްފުގެ ޤައުމުތަކަށާއި އުތުރު އެފްރިކާގެ ޤައުމުތަކަށެވެ. ފަލަކީ ޢިލްމުގެ އަލީން ދައްކާ ގޮތުންނާއި މިހިސާބުު ގަނޑުގެ އުޑުމަތި ދައްކާގޮތުންވެސް ހަނދުނުފެނުމުގެ އެއްވެސް އުއްމީދެއް ނެތީތީވެ ބެލެވެނީ ރަމަޟާންމަހުގެ 30 ދުވަސް ހަމަކުރަން ޖެހޭނެ ކަމަށެވެ. މިގޮތުން ލަފާކުރެވެނީ، ފިޠުރު ޢީދު ދުވަހަކަށް ވާނީ މިހިނގާ މޭ މަހުގެ 24 ވާ އާދީއްތަ ދުވަހެވެ.
އަޅުގަނޑުމެންނާ ޚިލާފަށް ސައުތު އޭޝިޔާގެ ބައެއް ޤައުމުތައް ކަމުގައިވާ ބުރޫނާއީ އާއި ޕާކިސްތާނާއި ބަނގަލާދޭންފަދަ ޤައުމު ތަކުގައި އެތަންތާ ރޯދަ ހިިފަން ފަށާފައިވަނީ އޭޕްރީލް 25 ވަނަ ދުވަހު ކަމަށްވާތީ އެތަންތާގައި ލަފާކުރެވޭގޮތުން ޢީދުކުރާނީ 25 މޭ ވާ ހޯމަ ދުވަހުއެވެ.
وَصَلَّى اللَّهُ وَسَلَّمَ عَلَى خَيْرِ خَلْقِهِ مُحَمَّدٍ وَآلِهِ وَصَحْبِهِ أَجْمَعِينَ