ދާދި ފަހުން ސޯމާލިޔާގެ ހަނގުރާމަވެރި ޖަމާއަތެއްގެ ރަހީނެއްގެ ގޮތުގައި ހުރި އިޓަލީގެ ޒުވާން އަންހެނަކު މިނިވަންވެ އޭނާގެ ގައުމަށް އެނބުރި އައުމަށް ފަހު، އޭނާއަކީ މިހާރު މުސްލިމެެއްކަން އިއުލާންކުރުން ވެގެން ދިޔައީ އިޓަލީ ސިއްސުވާލި ކަމަކަށެވެ. އޭނާ އިސްލާމްވުމާމެދު ވިސްނަން ޖެހުނު، ނުވަތަ އިސްލާމްދީނަށް ހިތްޖެއްސި ކަންކަމަށް ބަލާއިރު ދެކަމެއް ފާހަގަކޮށްލެވެއެވެ. އެއީ، އިސްލާމްދީނުގައި އަންހެނުންނަށް ދީފައިވާ ގަދަރު އޭނާއަށް އިހުސާސްކުރެވުމެވެ. ދެވަނަ ކަމަކީ އޭނާ ކީރިތި ޤުރްއާން ދިރާސާކުރުމެވެ.
ސޯމާލިޔާގައި އަލްޤާއިދާގެ ގޮތްޕެއްގެ ގޮތުގައި ހަރަކާތްެތެރިވާ އައްޝަބާބު ޖަމާއަތަކީ ބާރުގެ ބޭނުންކޮށްގެން ސޯމާލިޔާގެ ސަރުކާރު ވައްޓާލައި، އެމީހުން ގަބޫލުކުރާ އުސޫލުތަކުގެ މައްޗަށް އިސްލާމީ ދައުލަތެއް އެގައުމުގައި ގާއިމުުކުރުމަށް ހަނގުރާމަކުރާ ޖަމާއަތެކެވެ. އެޖަމާއަތުގެ ރަހީނަކަށްވާ ކޮންމެ ޒުވާން އަންހެންކުއްޖަކުވެސް ހީކުރާނީ އޭނާއަށް އަނިޔާކޮށް، އިއްފަތް ފޭރިގަތުން ފަދަ ނޭއްގާނި އަމަލުތައް ހިންގާނެ ކަމަށެވެ. އެހެންނަމަމަވެސް، އިޓަލީގެ ޒުވާނާއާމެދު އެހެން ކަން ހިނގާފައި ނުވެއެވެ. އެ ޒުވާން އަންހެނާ އައްޝަބާބުގެ ރަހީނަކަށް ވުމަށްފަހު، އޭނާ ދަތިހާލުގައި ބެހެއްޓިނަމަވެސް، އޭނާ އަންހެނަކަށް ވީތީ އޭނާގެ ކަރާމާތަށް އެ ޖަމާއަތުގެ މީހުން އިހުތިރާމުކުރިއެވެ. އޭނާާއާ ދޭތެރޭ ހަރުކަށި ގޮތަކަށް މުއާމަލާތް ކޮށްފައި ނުވެއެެވެ. މި މުއަމާލާތް ވެގެން ދިޔައީ އޭނާ އިސްލާމްވާން މެދުވެރިިވި މައިގަނޑު ސަބަބަށެވެ. ތިރީގައި ގެނެސްދީފައި މިވަނީ އެ ޒުވާނާގެ ވާހަކައެވެ.
އަލްޤާޢިދާއާ ގުޅިގެން ޞޯމާލިޔާގައި ޙަރަކާތްތެރިވާ ހަނގުރާމަވެރި ޖަމާޢަތް، އައްޝަބާބުގެ ރަހީނެއްގެ ގޮތުގައި ކެންޔާއާއި ސޯމާލިޔާގައި 18 މަސްދުވަސް ހޭދަކުރުމަށް ފަހު މިނިވަންވި އިޓަލީގެ، އުމުރުން 25 އަހަރުގެ ޒުވާން އަންހެނާ ސިލްވިޔާ ކޮސްޓާންޒޯ ރޮމާނޯ، އޭނާ އަކީ މިހާރު މުސްލިމެއްކަން ހާމަކޮށްފިއެވެ. އޭނާ ބުނީ އޭނާ އިސްލާމްވީ އޭނާ ބޭނުންެވެގެން، އަމިއްލަ އިޚްތިޔާރުގައި ކަމަށެވެ. އަދި މިހާރު އޭނާގެ ނަަމަކީ ޢާއިޝާ ކަމުގައެެވެ. އޭނާ ބަންދުގައި ހުރިއިރު އޭނާއާ ހަރުކަށިކޮށް މުއާމަލާތްކޮށްފައި ނުވާކަމާ، ބަންދުގައި އޭނާ ހޭދަކުރީ އުނދަގޫ ދުވަސްތަކެއް ކަންވެސް އޭނާ ފާހަގަކޮށްފައި ވެއެވެ.
09 މޭ 2020 ވީ ހުކުރު ދުވަހު އޭނާ ސަލާމަތްކޮށްފައި ވަނީ ތުރުކީ، ސޯމާލިޔާ އަދި އިޓަލީ ގުޅިގެން ހިންގި އޮޕަރޭޝަނެއްގައެވެ.
ހިލޭ ސާބަހަށް މަސައްކަތްކުރާ ޖަމާއަތް އެފްރިކާ މިލޭޭލޭގައި މަސައްކަތްކުރަނިކޮށް ރަހީނުކުރި ސިލްވިޔާ ދޫކޮށްލާފައިވަނީ އެތައް މަހަކަށް ދެމިގެން ދިޔަ އުނދަގޫ ވާހަކަތަކަކަށް ފަހުުއެވެ. 2018 ވަނަ އަހަރުގެ ނޮވެންބަރު މަހުގެ 20 ވަނަ ދުވަހު އޭނާ ރަހީނުކޮށްފައި ވަނީ ކެންޔާގެ އިރުމަތީ ރަށެއްކަމުގައިވާ މަލިންޑީއާ އަށްޑިހަ ކިލޯމީޓަރު ދުރުގައި އޮންނަ އަވަަށަކުންނެވެ. އައްޝަބާބުގެ ހަނގުރާމަވެރިން އެތަނުން އޭނާ ގެންދިޔައީ ސޯމާލިޔާއަށެވެ.
"މަހެއްހާ ދުވަހަށް ދަތުރު ދެމިގެން ދިޔަ. ފުރަތަމަ ކޮޅު ދެ ސައިކަލު ހުރި. ފަހުން އެކަތި ހަލާކުވީ. އަހަރުމެން ރާސްތާ ކަޑައްތުކުރީ ބައެއް ފަހަރު ފައިމަގުގައި. ކޯރުވެސް ހުރަސްކުރަން ޖެހުނު. އަހަރެންނާ އެކު ފަސް ފިރިހެނުން ނުވަަތަ ހަ ފިރިހެނުން ތިބޭ. އަހަރުމެން މެދުނުކެނޑި އަށް ގަޑިއިރަށް ނުވަތަ ނުވަ ގަޑިއިރަށް ހިނގާފައި ވާނެ." ސޯމާލިޔާއަށް ކުރި ދަތުރުގެ ތަފްސީލު ކިޔާދެމުން ސިލްވިޔާ ބުންޏެވެ.
ސިލްވިޔާ ރަހީނުކުރި މީހުން އޭނާ ބަންދު ކޮޓަރިއެއްގައި އެކަހެރިކޮށްފައި ބެހެއްޓިއެެވެ. އޭނާ ބުނި ގޮތުގައި އެތަނުގައި އޭނާ ހޭދަކުރީ ވަރަށް އުނދަގޫ ދުވަސްތަކެކެވެ. "އަހަރެން ހުރީ ވަރަށް ބޮޑަށް މާޔޫސްވެފައި. އަހަރެންގެ ކަމަކީ ރުއިން. ފުރަތަމަ މަސް ވީ ވަރަށް އުނދަގޫ ދުވަސްކޮޅަކަށް. އެމީހުން އަަހަރެން ކައިރީގައި ބުނީ އަހަރެންނަށް އެއްވެސް ގޯނާއެއް ނުކުރާނެ ކަމުގައި. އަދި އަހަރެންނާ މެދު މުއާމަލާތްކުރާނީ ރަނގަޅަށް ކަމުގައި. އަަހަރެން ނޯޓު ފޮތެއް ހޯދިން. އެއީ އަހަރެންނަށް އެހީތެރިވާނެ އެއްޗެއް ކަމަށް ފެންނާތީ." ސިލްވިޔާގެ ވާހަކައިގައި ބުނެފައި ވެއެެވެ.
"ކޮޓަރީގައި އަަބަދުވެސް އަހަރެން ހުރީ އެކަނި. އަހަރެން ނިދީ ބިންމަތީގައި އެއްޗެއް އަޅައިގެން. އެމީހުން އަހަރެންގެ ގައިގައި ދުވަހަކުވެސް ނުޖަހާ. އަދި އަހަރެންނާ މެދު ހަރުކަށިކޮށް މުއާމަލާތްކޮށްފައި ވެސް ނުވޭ." ސިލްވިޔާ ބުނެފައި ވެއެވެ.
ސިލްވިޔާ ކިޔައިދިން ގޮތުގައި އޭނާ އިސްލާމްވީ އޭނާގެ ބަންދުގެ މުއްދަތުގެ މެދުތެރޭގައެވެ.
"އެއީ އަހަރެންނަށް ފެނިގެން ކުރި ކަމެއް. ބަޔަކު މަޖުބޫރުކޮށްގެންނެެއް ނޫން." އިޓަލީގެ ޚަބަރުފަތުރާ އެޖެންސީ އަންސާއަށް މައުުލޫމާތުދެމުން ސިލްވިޔާ ބުނެފައި ވެއެވެ. "އެމީހުން އަހަރެންނަށް ޤުރްއާނެއް ދިން. އަހަރެން ރަހީނުކުރި މީހުންެނަށް ޝުކުރުވެރިވަން، އަހަރެންނަށް ޢަރަބިބަސް ދަސްކުރުމުގެ ފުރުސަތު ލިބުނީތީ." އޭނާ ކިޔައި ދިނެވެ.
އޭނާ ހައްޔަރުކުރި މީހުންގެ ތެރެއިން މީހަކާ ކައިވެނިކުރަން މަޖުބޫރުކުރި ކަމަށާ، އޭނާ އިނީ ބަލިވެ ކަމަށްެވެސް އަޑު ފެތުރުނެެވެ. އެހެންނަމަވެސް، ސިލްވިޔާގެ ވާހަކައިގައި އޭނާ ވަނީ އެކަން ދޮގުކޮށްފައެވެ.
"އެމީހުން (އަހަރެން ރަހީނުކުރި) ސަބަބު ބުނެދީ، އެމީހުންގެ ސަގާފަތް ބަޔާންކޮށްދިނީ. ކައިވެނީގެ ގުޅުމެއްވެސް އަދި އެހެން ގުޅުމެއްވެސް ނެތް. ލިބުނުހާވެސް އެއްޗަކީ އިހުތިރާމު." ސިލްވިޔާ ހާމަކޮށްފައި ވެއެވެ.
"އެމީހުން އެއްވެސް ކަމެއް ކުރާކަށް އަހަރެންނަށް މަޖުބޫރުކޮށްފައި ނުވޭ. އެމީހުން (އަަހަރެން ހުންނަ) ކޮޓަރިއަށް ވަންނައިރު ތިބެނީ އަބަދުވެސް މޫނު ނިވާކޮށްގެން. އެމީހުން ވާހަަކަ ދައްކަނީ އަހަރެން ނުދަންނަ ބަހަކުން. އެއީ ކޮންމެވެސް ބަހުރުވަޔަކަށް ވެދާނެ. އެމީހުންގެ ތެރޭގައި އިނގިރޭސި ބަހުން ވާހަކަދައްކާ އެކަކު ހުރި. އަހަރެން ބައެއް ފޮތްތައް ހޯދަން އެދުނިން. އަދި ޤުރްއާނެއް ހޯދަންވެސް ބުނިން." އަލަށް އިސްލާމްވި ޒުވާނާ ކިޔައިދިނެވެ.
އިޓަލީގެ ކޮރިޔޭ ޑިލާ ސޭރާ ނޫހުން ބުނާގޮތުގައި އެކަން (ޤުރްއާން ހޯދައިގެން ކިޔަން ފެށުން) އެއީ ސިލްވިޔާ އިސްލާމްވުމާ ދިމާއަށް ކުރި ދަތުރުގެ ފެށުން ކަމުގައި ވެދާނެއެވެ.
ސިލްވިޔާގެ ވާހަކަ އިތުރަށް ކިޔައިދެމުން އޭނާ ބުނެފައި ވެއެވެ. "އަހަރެން އަަބަދުވެސް ހުރީ ކޮޓަރީގައި ބަންދުވެފައި. އަހަރެން ފޮތް ކިޔައި، ލިޔެ ހެދީ. އަަހަރެންނަށް ބޮޑަށް ލަފާކުރެވެނީ އަހަރެން ބަހައްޓާފައި ހުރީ ކުޑަ އަަވަށެއްގައި ކަމަށް. ކޮންމެ ދުވަހަކު އެތައް ފަހަރަކު ނަމާދަށް ބަންގި ގޮވާ އަޑު އަހަރެންނަށް އިވުނު. އަހަރެން ނަމާދުކޮށް ޤުރްއާން ކިޔަވައި ހެދިން. އަހަރެެން ވަރަށް ގިނަ ދުވަހަށް ވިސްނުމަށް ފަހު، އެންމެ ފަހުން ހިތުގެ އަޑިން މި ގޮތަށް ނިންމީ."
އިޓަލީގެ ބައެއް ނޫސްތަކުން ބުނެފައިވާ ގޮތުގައި ސިލްވިޔާ މިނިވަންކުރުމަށް އިޓަލީ ސަރުކާރުން ވަނީ ހަނގުރާމަވެރި ޖަމާއަތަށް 1.5 މިލިއަން ޔޫރޯ ދީފައެެވެ.
ސިލްވިޔާ އިސްލާމްވެ ޢާއިޝާގެ ގޮތުގަައި އިޓަލީއަށް އެނބުރި އައުމާއެކު، އިޓަލީގެ ކަނާތު ފިޔައިގެ ހަރުކަށި ނަސާރާއިން ވަނީ އޭނާއަށް ފުރައްސާރަކޮށް އޭނާއާ ދެކޮޅަށް ނަފުރަތު އުފެއްދުމުގެ ކެމްޕޭނެއް ފަށާފައެވެ.
"އިސްލާމްދީނަށް ނިސްބަތްވާތީ އުފަލުން. ޝުކުރުވެރިވާން ނުދަންނަ ސިލްވިޔާ." ކަނާތުފިޔައިގެ ނޫހެއްގެ ސުރުޚީގައި ވެއެވެ. އަދި ކަނާތު ފިޔައިގެ ސިޔާސީ ލީޑަރަކު ސިލްވިޔާ ދަންޖައްސަން ޖެހޭ ކަމަށް ބުނެ ފޭސްބުކްގައި ލިޔެފައި ވެއެވެ.
"ސިލްވިޔާ އެނބުރި އަތުވެއްޖެ. އޭނާ ހުރީ ހެޔޮ ހާލުގައި. އެކަމަކު ހީވަނީ ނާޒީ ކޮންސެންޓްރޭޝަން ކޭމްޕެއްގައި ހުރި މީހަކު ނާޒީ ހެދުމެއް ލައިގެން އެނބުރި އައިހެން. އަހަރެންނަކަށް ނުވިސްނޭ. އަދި ދުވަހުކުވެސް ނުވިސްނޭނެ." އިޓަލީގެ ކުރީގެ ބޮޑުވަޒީރު ސިލްވިޔޯ ބަލްރޮސްކޯނީގެ ކޮއްކޮ އެލެސަންދްރޯ ސަލުސްތީ ލިޔެފައި ވެއެވެ.
މިކަމުން ދޭަހަވަނީ، ޚިޔާލުފާޅުކުރުމުގެ މިނިވަންކަމާއި، ބޭނުން ދީނަކަށް އުޅުމުގެ މިނިވަންކަމަށް ދައުވާކުރާ ހުޅަނގުގެ މީހުންނަށް އެބައިމީހުންގެ ތެރެއިން މީހަކު އިސްލާމްދީން އިޚްތިޔާރުކުރުން އެއީ ކެތްކުރެވޭވަރުގެ ކަމަކަށް ނުވާކަމެވެ. އެމީހުން ދައްކާ ވާހަކައާއި އަމަލާ ދިމާނުވާ ކަމެވެ.
ސިލްވިޔާގެ ތަރުޖަމާނު ބުނި ގޮތުގައި "އޭނާ އިސްލާމްވީ ހިތުން ރުހުމުން އަމިއްލައަށް އެދިގެން. އެއީ އޭނާއަށް ކުރިން އެނގިފައި އޮތް ދުނިޔެއަށްވުރެ ރަނގަޅު ދުނިޔެއަށް އޭނާގެ ލޮލަށް ފެނިގެން."
