ނަރަކައިގެ އަހުލުވެރިންގެ ހަތަރު އުއްމީދު

ފުރަތަމަ އުއްމީދު

ނަރަކައިގެ ޢަޒާބުގައި ގިނަ ދުވަސްތަކެއް ހޭދަ ވުވުމަށްފަހު ގެ ޙަޟްރަތުން އެމީހުން އެދެނީ رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ  މާނައީ : އަޅަމެންގެ ވެރިރަސްކަލާކޮ! ތިމަންމެން އެ ނަރަކައިން ނެރުއްވައިފާނދޭވެ! ފަހެ، ތިމަންމެން (ކާފިރު ކަމުގެ ތެރެޔަށް) އެނބުރި ހިނގައްޖެނަމަ، ފަހެ، ހަމަކަށަވަރުން، ތިމަންމެންވާހުށީ އަނިޔާވެރިން ކަމުގައެވެ. އެމީހުނަށް ޖަބުގައި ވަޙީކުރައްވާނެއެވެ: قَالَ اخْسَئُوا فِيهَا وَلَا تُكَلِّمُونِ. މާނައީ : ﷲ وحى ކުރައްވާނެތެވެ. ތިޔަބައިމީހުން ނިކަމެތިކަމާއެކު ހިމޭންވެ އެތާތިބޭށެވެ! އަދި ތިޔަބައިމީހުން، ތިމަންރަސްކަލާނގެ حضرة އަށް ބަސް ނުދަންނަވާށެވެ! މިޖަވާބުން ނަރަކާއިގެ އަހުލުވެރިން ގެ ރަޙުމަތުން އުއްމީދު ކަނޑާލާނެއެވެ.

 ދެވަނަ އުއްމީދު

ނަކައިގެ ޚާޒިނު (މާލިކުގެ ފާނު)ގެ ކައިރިން ގެ ޙަޟުރަތުގައި ދަންނަވައި ދިނުމަށް އެދޭނެއެވެ. وَنَادَوْا يَا مَالِكُ لِيَقْضِ عَلَيْنَا رَبُّكَ  މާނައީ: އެއުރެން ގޮވާނެތެވެ. އޭ މާލިކު ގެފާނެވެ! ތިމަންމެން މަރުގެންނެވުމަށް ކަލޭގެފާނުގެ ވެރިރަސްކަލާނގެ حضرة އަށް ދަންނަވައިދެއްވާށެވެ. ޢޭގެ ޖަވާބުގައި ނަރަކައިގެ ޚާޒިނު މާލިކު ގެ އިޒުނަފުޅާއެކު ދަންނަވާނެއެވެ. قَالَ إِنَّكُم مَّاكِثُونَ މާނައީ: ހަމަކަށަވަރުން، ތިޔަބައިމީހުންނީ (ޢަޒާބު ގައި) ދެމިތިބޭނޭ ބަޔެކެވެ.  އެހިސާބުންވެސް ނަރަކައިގެ އަހުލުވެރިން އުއްމީދު ކަނޑާ ނުލައެވެ.

ތިންވަނަ އުއްމީދު

ގެ ޙަޟުރަތުން އުއްމީދު ކެނޑި ނަރައިގެ މާލިކުގެ ފަރާތުން އުއްމީދު ކެނޑުމުން ތިނަވަނަ ފަރާތަކަށް އެމީހުނަށް ފެނުނީ ނަރަކައިގެ ބަނޑޭރިންނެވެ. އެމީހުން ގެފަރާތުން އެދޭ އެދުން ކިޔާލުމުން ހިތްތައް ކުދިކުދިވެ ޙައިރާން ވާނެއެވެ.  وَقَالَ الَّذِينَ فِي النَّارِ لِخَزَنَةِ جَهَنَّمَ ادْعُوا رَبَّكُمْ يُخَفِّفْ عَنَّا يَوْمًا مِّنَ الْعَذَابِ މާނައީ: އަދި ނަރަކައިގައިވާ މީހުން، ނަރަކައިގެ ބަނޑޭރިންނަށް ބުނާނެތެވެ. ތިމަންމެންގެ ކިބައިން ޢަޒާބުން އެއްދުވަސް ނަމަވެސް ލުއިކޮށްދެއްވާތޯ ތިޔަބޭކަލުންގެ ވެރިރަސްކަލާނގެ ޙަޟުރަތަށްދުޢާ ކޮށްދެއްވާށެވެ! ޖަވާބުގައި ނަރަކައިބެ ބަނޑޭރި މަލާއިކަތުން ބުނާނެއެވެ. قَالُوا أَوَلَمْ تَكُ تَأْتِيكُمْ رُسُلُكُم بِالْبَيِّنَاتِ ۖ قَالُوا بَلَىٰ ۚ قَالُوا فَادْعُوا ۗ وَمَا دُعَاءُ الْكَافِرِينَ إِلَّا فِي ضَلَالٍ އެބޭކަލުން ވިދާޅުވާނެތެވެ. ފާޅުވެގެންވާ ހެކިތަކާއިގެން ތިޔަބައިމީހުންގެ ގާތަށް، ތިޔަބައިމީހުންގެ ރަސޫލު ން ވަޑައިނުގަންނަވަނީހެއްޔެވެ؟ އެއުރެން ދަންނަވާނެތެވެ. އެހެންނަކުން ނޫނެވެ. (ވަޑައިގަތެވެ.) އެބޭކަލުން ވިދާޅުވާނެތެވެ. ފަހެ، ކަލޭމެން ދުޢާ ކޮށްބަލާށެވެ. ކާފިރުންގެ ދުޢާ ފުރެދުމެއްގައިމެނުވީ ނުވެތެވެ. މާނައީ އެމީހުންގެ ދުޢާ ޤަބޫލު ނުކުރައްވާނެއެވެ.

ހަތަރުވަނަ އުއްމީދު  

ނަރަކައި އަހުލުވެރިންނަށް ސުވަރުގޭގެ ނިޢުމަތްތައް ފެންނާނެއެވެ. ސުވަރުގޭގެ އަހުލުވެރިންގެ ފަރާތުން އެމީހުން އެދެނީ وَنَادَىٰ أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّـهُ ނަރަކައިގެ އަހުލުވެރިން، ސުވަރުގޭގެ އަހުލުވެރިންނަށް ގޮވައި ބުނާނެތެވެ. ތިމަންމެންނަށް ފެންފޮދަކުން، ނުވަތަ ، ތިޔަބައިމީހުންނަށް ރަޒުޤުކުރެއްވި އެއްޗަކުން އެހީވާށެވެ!  މީގެ ޖަވާބުގައި ސުވަރގޭގެ އަހުލުވެރިން ބުނާނެތެވެ. إِنَّ اللَّـهَ حَرَّمَهُمَا عَلَى الْكَافِرِينَ  އެތަކެތި ވަނީ، ކާފިރުވި މީހުންނަށް اللَّه، ޙަރާމްކުރައްވާފައެވެ.

އެހިސާބުން ނަރަކައިގެ އަހުލުވެރިން އުންމީދުތައް ކެނޑިދާނެއެވެ. ޝައިޠާނާ އެމީހުނަށް ބުނާނެތެވެ.

وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّـهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ ۖ وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ مَّا أَنَا بِمُصْرِخِكُمْ وَمَا أَنتُم بِمُصْرِخِيَّ ۖ إِنِّي كَفَرْتُ بِمَا أَشْرَكْتُمُونِ مِن قَبْلُ ۗ إِنَّ الظَّالِمِينَ لَهُمْ عَذَابٌ أَلِيمٌ އަދި ކަންތައް ނިޔާކުރައްވައި ނިމޭހިނދު، ޝައިޠާނާ  ބުނާނެތެވެ. ހަމަކަށަވަރުން، ، ތިޔަބައިމީހުންނަށް وعد ކުރައްވާފައިވަނީ، حق ތެދު وعد އެވެ. އަދި ތިމަންވެސް ތިޔަބައިމީހުންނަށް وعد ކުރީމެވެ. ފަހެ، ތިޔަބައިމީހުންނަށް ތިމަންކުޅަ ވަޢުދާ ޚިލާފު ވީމެވެ. އަދި ތިޔަބައިމީހުންނަށް ތިމަން ގޮވައިލުން ފިޔަވައި، ތިޔަބައިމީހުންގެ މައްޗަށް އެއްވެސް ބާރެއް ތިމަންނާއަކަށް ލިބިގެނެއް ނުވެއެވެ. ފަހެ، ތިޔަބައިމީހުން ތިމަންނާގެ ގޮވައިލުމަށް އިޖާބަދިނީއެވެ. ފަހެ، ތިޔަބައިމީހުން ތިމަން ކުށްވެރިކޮށް ވާހަކަ ނުދައްކާށެވެ! އަދި ތިޔަބައިމީހުންގެ އަމިއްލަ نفس ތައް ކުށްވެރިކޮށް ވާހަކަ ދައްކާށެވެ! ތިޔަބައިމީހުންގެ އެހީތެރިޔަކަށް ތިމަން ނުވަމެވެ. އަދި ތިޔަބައިމީހުންވެސް ތިމަންގެ އެހީތެރިންނަކަށް ނުވަމުއެވެ. ހަމަކަށަވަރުން، މީގެކުރިން ތިޔަބައިމީހުން ތިމަން ބައިވެރިކުރި ކަންތަކަށް ތިމަން ކާފިރު ވީމެވެ. ހަމަކަށަވަރުން، އަނިޔާވެރިންނަށް ވޭންދެނިވި ޢަޒާބު ހުށްޓެވެ.

އޭ އަހަރުމެން ނަރަކައިން ސަލާމަތް ކޮށް ދެއްވާނދޭވެ!

1 ޚިޔާލު

  1. މިއީ ކޮން ޙުސައިން ފަހުމީއެއް؟ އައްޑު އަތޮޅު ހިތަދޫ އިސްލާމިއްޔާ ޙުސައިނަ ފަހުމީ ވިއްޔާ ވަރަށް އުފާ ވެއްޖެ. ޙުސައިން ފަހުމީމެން ފަދަ އިލްމީ ބޭފުޅުންގެ ލިޔުންތަކާއި ދަރުސްތައް މި ގައުމަށް ނިހާޔަތަށް ބޭނުންވޭ. އިތުރު ލިޔުންތައް ފެންނާނޭ ކަމަށް ވަރަށް ބޮޑަށް އުއްމީދު ކުރަން. ޙުސައިން ފަހުމީ ނޫން އެހެން ބޭފުޅުންވެސް މިލާބުން ފެނިއްޖެއްޔާ އުފާވާނެ. މިހާރުވެސް ހުސެން ރަޝީދު އެބަ ފެނޭ. މި ސައިޓުގެ ޓީމު ވަރަށް ރަނގަޅު. ބާއްޖަވެރި ކަމަށް އެދެން.

ޚިޔާލު ފޯމު

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.