ޞަޙާބީންނާއެކު 365 ދުވަސް – 2: ރަސޫލާގެ އެންމެ ގާތް އެކުވެރިޔާ

އަބޫބަކުރުގެފާނަކީ އިސްލާމްދީނާއީ ކީރިތި ރަސޫލާއާ ދެކޮޅަށް އެއްޗެކޭ ކިޔާމީހަކާ ދެކޮޅަށް އަޑުފުޅު އުފުއްލަވާން ޖެހިލުންވެވަޑައިގަންނަވާ ބޭކަލެއް ނޫނެވެ. އެއްދުވަހަކު ކީރިތި ރަސޫލާ ގެފުޅުގައި ނަމާދު ކުރައްވަނިކޮށް މައްކާގެ މީހެއް ކަމުގައިވާ އުޤްބާ އިބްނު މުޢީޠު އައިސް ކީރިތި ރަސޫލާގެ ގައިކޮޅަށް އަރައިގަނެ ކަރުފުޅުގައި ހިފާން މަސައްކަތް ކުރިއެވެ.

މަންޒަރު ބަލާން ހުރި މީހަކު ގޮސް އަބޫބަކުރުގެފާނަށް މި ވާހަކަ ދަންނަވައިފިއެވެ. އެކަލޭގެފާނު ދުވެވަޑައިގެން ވަޑައިގަތް ގޮތަށް ޢުޤްބާގެ ކޮނޑުގައި ހިއްޕަވައި ދުރަށް އެއްލަވައިލެއްވިއެވެ. އަދި ވިދާޅުވިއެވެ. "ކަލޭ އެކަލޭގެފާނު އަވަހާރަކޮށްލާން ތިޔަ އުޅެނީ ތިމަންކަލޭގެފާނުގެ ކަލާނގެއަކީ ﷲ އޭ އެކަލޭގެފާނު ވިދާޅުވާތީ ހެއްޔެވެ؟"

މިހިނގައިދިޔަ ހާދިޘާއާ ގުޅިގެން ގުރައިޝު ވަންހައިގެ ބަޔަކު އަބޫބަކުރުގެފާނުގެ ގައިކޮޅުގައި ތަޅައި އަނިޔާ ކުރިއެވެ. އެކަމަކުވެސް އެކަލޭގެފާނު ގުރައިޝުން ދެކެ ބިރުފުޅެއް ނުގަތެވެ. އެކަލޭގެފާނު މުޅި އުމުރުފުޅު ހޭދަކުރެއްވީ ކީރިތި ރަސޫލާގެ އެންމެ ގާތް ޞަޙާބީގެ ގޮތުގައެވެ. ރަސޫލާ ހަދީޘް ކުރެއްވިއެވެ. "ތިމަންކަލޭގެފާނަށްޓަކައި އަބޫބަކުރުގެފާނުހައި ރަނގަޅު ބައިވެރިޔަކު ނުވެއެވެ."

އަބޫބަކުރުގެފާނުގެ މަސައްކަތްޕުޅުން ވަރަށް ގިނަ ބަޔަކު ވަނީ އިސްލާމްދީނަށް ވައެްދަވައިފައެވެ. އޭގެ ތެރޭގައި ޢުޘްމާން ބިން ޢައްފާނާއި ޢަބްދުއްރަޙްމާން ިބްނު ޢަވްފާއި ސަޢުދް ބިން އަބީ ވައްޤާޞްއާއި އަބޫޢުބައިދާއާއި އަބޫ ސަލަމާއާއި ޒުބައިރް އިބަނު ޢައްވާމާއި ޠަލްޙާ އިބްނު ޢުބައިދުﷲއާއި މިފަދަ އެތައް ބޭކަލުންނެއް ހިމެނެއެވެ.

ސާނިޔަސްނައިން ޚާންގެ ލިޔުއްވުމެއްގެ ތަރުޖަމާއެއް

ޚިޔާލު ފޯމު

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.