(12 ނޮވެމްބަރު 2021 ގައި ޝާއިއުކުރި ބަޔާ ގުޅޭ)
ހުރިހައއި އެއްޗެއްވެސް އެނބުރި ރުޖޫޢަވާހުށީ ﷲ ގެ ޙަޟްރަތަށެވެ.
أَفَغَيْرَ دِينِ اللَّهِ يَبْغُونَ وَلَهُ أَسْلَمَ مَنْ فِي السَّمَاوَاتِ وَالْأَرْضِ طَوْعًا وَكَرْهًا وَإِلَيْهِ يُرْجَعُونَ
އުޑުތަކާއި ބިމުގައި ވާހައި ބަޔަކު، ރުހުމުގައްޔާއި ނުރުހުމުގައި، އެކަލާނގެއަށް ކިޔަމަންވެގެންވާ އިރު، އެއުރެން ( އެބަހީ : އެނބުރި ފުރަގަސްދިން މީހުން) އެ އެދެނީ، ﷲ ގެ ދީން ފިޔަވައި އެހެން ދީނެއް ހެއްޔެވެ ؟ އަދި، އެއުރެން އެނބުރި ރުޖޫޢަ ކުރައްވާހުށީ، އެކަލާނގެ ޙަޟުރަތަށެވެ. ( އާލްޢިމްރާން : 83)
*****
إِنِّي تَوَكَّلْتُ عَلَى اللَّهِ رَبِّي وَرَبِّكُمْ مَا مِنْ دَابَّةٍ إِلَّا هُوَ آخِذٌ بِنَاصِيَتِهَا إِنَّ رَبِّي عَلَى صِرَاطٍ مُسْتَقِيمٍ
ހަމަކަށަވަރުން، ތިމަންކަލޭގެފާނުގެ ވެރި، އަދި ތިޔަބައިމީހުންގެ ވެރި ﷲ އަށް، ތިމަން ކަލޭގެފާނު ވަކީލު ކޮށްފީމެވެ. އެއްވެސް ދިރޭ އެއްޗެއް، އެއެއްޗެއްގެ ނާޞިޔަތުގައި، އެކަލާނގެ ހިއްޕަވާ ޙާލުގައިވާ ކަމުގައި މެނުވީ ނުވެއެވެ. ހަމަކަށަވަރުން، ތިމަންކަލޭގެފާނުގެ ވެރި މާތް ﷲ ވޮޑިގެންވަނީ، ސީދާވެގެންވާ މަގުގައެވެ. (ހޫދު : 56)
*****
إِنَّا سَخَّرْنَا الْجِبَالَ مَعَهُ يُسَبِّحْنَ بِالْعَشِيِّ وَالْإِشْرَاقِ
ހަމަކަށަވަރުން، ތިމަން ކަލާނގެ، އެކަލޭގެފާނަށް، ފަރުބަދަތައް ޚިދުމަތްތެރި ކުރެއްވީމެވެ. އެތަކެތި، އެކަލޭގެފާނުގެ އަރިހުގައި، ހަވީރާއި ހެނދުނުގައި ތަސްބީޙަ ދަންނަވަތެވެ. (ޞާދު :18)
لِلَّذِينَ اسْتَجَابُوا لِرَبِّهِمُ الْحُسْنَى وَالَّذِينَ لَمْ يَسْتَجِيبُوا لَهُ لَوْ أَنَّ لَهُمْ مَا فِي الْأَرْضِ جَمِيعًا وَمِثْلَهُ مَعَهُ لَافْتَدَوْا بِهِ أُولَئِكَ لَهُمْ سُوءُ الْحِسَابِ وَمَأْوَاهُمْ جَهَنَّمُ وَبِئْسَ الْمِهَادُ
އެއުރެންގެ ވެރި މާތް ކަލާނގެއަށް އިޖާބަދިން މީހުންނަށް، ހުރީ އެންމެ ހެޔޮ ދަރުމައެވެ. އަދި އެކަލާނގެއަށް އިޖާބަ ނުދިން މީހުންނަށް، މުޅި ބިމުގައި ވާހައި ތަކެއްޗެއް އޭގެ ދެގުނަޔަށް ލިބުނު ކަމުގައި ވިޔަސް، އެހުރިހައި އެއްޗަކުން އެއުރެން ފިދްޔަ ދިނީހެވެ. އެއުރެންނަށް ހުރީ، ނުބައިކަން ހުރި، ހިސާބު ބެއްލެވުމެވެ. އަދި، އެއުރެން ތިބެނިވި ތަނަކީ، ނަރަކައެވެ. އަދި އެ ތަންމަތީގެ ހުރި ނުބައި ކަމާއެވެ. ( ރަޢުދު : 18)
*****
لِتَسْتَوُوا عَلَى ظُهُورِهِ ثُمَّ تَذْكُرُوا نِعْمَةَ رَبِّكُمْ إِذَا اسْتَوَيْتُمْ عَلَيْهِ وَتَقُولُوا وَتَقُولُوا سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ
(އެއީ) ތިޔަބައިމީހުން އެތަކެތީގެ ބުރަކަށިމަތީގައި ހަމަޖެހުމަށްޓަކައެވެ. ދެން، ތިޔަބައިމީހުން، އޭގެ މަތީގައި ހަމަޖެހޭ ހިނދު، ތިޔަބައިމީހުންގެ ވެރި މާތް ﷲ ގެ ނިޢުމަތް ހަނދުމަ ކުރުމަށެވެ. އަދި، ތިޔަބައިމީހުން ކިޔުމަށްޓަކައެވެ. އަޅަމެންނަށް މިތަކެތި ޚިދުމަތްތެރި ކޮށްދެއްވި، މާތް ﷲ ގެ ހުސް ޠާހިރުވަންތަ ކަމާއެވެ! އަދި، އަޅަމެން، އެކަމަށް، ކުޅަދާނަވެގެންވާ ބަޔަކު ކަމުގައި ނުވަމުއެވެ. (ޒުޚުރުފް : 13)
*****
اللَّهُ الَّذِي سَخَّرَ لَكُمُ الْبَحْرَ لِتَجْرِيَ الْفُلْكُ فِيهِ بِأَمْرِهِ وَلِتَبْتَغُوا مِنْ فَضْلِهِ وَلَعَلَّكُمْ تَشْكُرُونَ
ﷲ އީ، ތިޔަބައިމީހުންނަށްޓަކައި، ކަނޑު، ޚިދުމަތްތެރި ކުރެއްވި މާތް ކަލާނގެއެވެ. (އެއީ) އެކަލާނގެ އަމުރުފުޅަށް، އެތާނގައި، އުޅަނދުތައް ދުވުމަށްޓަކައެވެ. އަދި ތިޔަބައިމީހުން، އެކަލާނގެ ފަޟުލުވަންތަ ކަމުން އެދިގަތުމަށްޓަކައެވެ. އަދި، ތިޔަބައިމީހުން ޝުކުރު ކުރުމަށްޓަކައެވެ. (ޖާޡިޔަތު : 12)
ކޮންމެ ކަމެއްމެ މެދުވެރި ކުރައްވަނީ ﷲ އެވެ
وَلِلَّهِ الْمَشْرِقُ وَالْمَغْرِبُ فَأَيْنَمَا تُوَلُّوا فَثَمَّ وَجْهُ اللَّهِ إِنَّ اللَّهَ وَاسِعٌ عَلِيمٌ
މަޝްރިޤާއި މަޣްރިބު މިލްކު ވެގެންވަނީ، ﷲ އަށެވެ. ފަހެ، ތިޔަބައިމީހުން ކޮންމެ ފަރާތަކަށް އެނބުރުނަސް، އެތަނެއްގައި ﷲ ވޮޑިގެން ވެއެވެ. ހަމަކަށަވަރުން، ﷲ އީ، ތަނަވަސް ވަންތަ، މޮޅަށް ދެނެވޮޑިގެންވާ މާތް ކަލާނގެއެވެ. (ބަޤަރާ : 115)
*****
وَلِلَّهِ مَا فِي السَّمَاوَاتِ وَمَا فِي الْأَرْضِ وَكَانَ اللَّهُ بِكُلِّ شَيْءٍ مُحِيطًا
އަދި، އުޑުތަކާއި ބިމުގައި ވާހައި އެއްޗެއް މިލްކުވެ ވޮޑިގެންވަނީ، ﷲ އަށެވެ. (ނިސާއު : 126)
*****
يَسْتَخْفُونَ مِنَ النَّاسِ وَلَا يَسْتَخْفُونَ مِنَ اللَّهِ وَهُوَ مَعَهُمْ إِذْ يُبَيِّتُونَ مَا لَا يَرْضَى مِنَ الْقَوْلِ وَكَانَ اللَّهُ بِمَا يَعْمَلُونَ مُحِيطًا
އެއުރެން، މީސްތަކުންނަށް ވަންހަނާވެ ގަނެތެވެ. އެކަމަކު، ﷲ ގެ ޙަޟްރަތަށް، އެއުރެންނަކަށް ވަންހަނާވެއެއް ނުގަނެވެތެވެ. އެކަލާނގެ ރުހިވޮޑިގެން ނުވާ ބަސްތައް، އެއުރެން ވަންހަނާގައި ތަދުބީރުކޮށް އުޅޭ ހިނދު، އެއުރެންނާއެކުގައި އެކަލާނގެ ވޮޑިގެން ވެއެވެ. އެއުރެން ކުރާ ޢަމަލުތައް، ފުރިހަމަޔަށް ދެނެވޮޑިގެންވާ ކަލަކު ކަމުގައި ﷲ ވޮޑިގެން ވެއެވެ. (ނިސާއު : 108)
*****
إِنَّمَا إِلَهُكُمُ اللَّهُ الَّذِي لَا إِلَهَ إِلَّا هُوَ وَسِعَ كُلَّ شَيْءٍ عِلْمًا
ހަމަކަށަވަރުން، ތިޔަބައިމީހުންގެ އިލާހަކީ، ﷲ އެވެ. އެކަލާނގެއީ، އެކަލާނގެ މެނުވީ އެހެން އިލާހަކު ނުވާ މާތް އިލާހެވެ. އެކަލާނގެ ޢިލްމުފުޅު، ހުރިހައި އެއްޗެއްގެ މައްޗަށް، ތަނަވަސް ވެގެން ވެއެވެ. (ޠޯހާ : 98)
*****
أَلَا إِنَّهُمْ فِي مِرْيَةٍ مِنْ لِقَاءِ رَبِّهِمْ أَلَا إِنَّهُ بِكُلِّ شَيْءٍ مُحِيطٌ
ދަންނާށެވެ ! ހަމަކަށަވަރުން، އެއުރެންގެ ވެރި ރަސްކަލާނގެއާ ބައްދަލުވާނެ ކަމާމެދު، އެއުރެން ވަނީ ޝައްކު ކަމެއްގައެވެ. ދަންނާށެވެ ! ހަމަކަށަވަރުން، އެކަލާނގެއީ، ކޮންމެ ކަމެއް މޮޅަށް ދެނެވޮޑިގެންވާ ރަސްކަލާނގެއެވެ. (ފުއްޞިލަތު : 54)
*****
قَالَ يَا قَوْمِ أَرَهْطِي أَعَزُّ عَلَيْكُمْ مِنَ اللَّهِ وَاتَّخَذْتُمُوهُ وَرَاءَكُمْ ظِهْرِيًّا إِنَّ رَبِّي بِمَا تَعْمَلُونَ مُحِيطٌ
އެކަލޭގެފާނު ( ޝުޢައިބުގެ ފާނު ) ވިދާޅުވިއެވެ. އޭ އަހުރެންގެ ޤައުމުގެ މީހުންނޭވެ. ﷲ އަށްވުރެވެސް ބޮޑަށް، ތިޔަބައިމީހުންގެ މައްޗަށް، ޢިއްޒަތްތެރި ވެގެންވަނީ، އަހުރެންގެ ގާތްތިމާގެ މީސްކޮޅު ހެއްޔެވެ ؟ އަދި، އެކަލާނގެއީ، ތިޔަބައިމީހުންގެ ފުރަގަހަށް ދޫކޮށްފައިވާ ފަރާތެއްކަމުގައި، ތިޔަބައިމީހުން ހަދައިފީމުއެވެ. ހަމަކަށަވަރުން، އަހުރެންގެ ވެރި މާތް ﷲ އީ، ތިޔަބައިމީހުން ކުރާ ކަންތައް، ފުރިހަމަޔަށް ދެނެވޮޑިގެންވާ މާތް ކަލާނގެއެވެ. (ހޫދު : 92)
*****
كَذَلِكَ وَقَدْ أَحَطْنَا بِمَا لَدَيْهِ خُبْرًا
ކަންހުރީ އެފަދައިންނެވެ. ހަމަކަށަވަރުން، އޭނާގެ ކިބައިގާ ވާހައިކަމެއްގެ ޚަބަރު، ތިމަން ﷲ މޮޅަށް ދެނެވޮޑިގެން ވަމެވެ. (ކަހުފު : 91)
*****
وَإِذْ قُلْنَا لَكَ إِنَّ رَبَّكَ أَحَاطَ بِالنَّاسِ وَمَا جَعَلْنَا الرُّؤْيَا الَّتِي أَرَيْنَاكَ إِلَّا فِتْنَةً لِلنَّاسِ وَالشَّجَرَةَ الْمَلْعُونَةَ فِي الْقُرْآنِ وَنُخَوِّفُهُمْ فَمَا يَزِيدُهُمْ إِلَّا طُغْيَانًا كَبِيرًا
ހަމަކަށަވަރުން، ކަލޭގެފާނުގެ ވެރި މާތް ﷲ ގެ ދެނެވޮޑިގަތުމާއި، ޤުދުރަތްތެރިކަން، މީސްތަކުން ވަށާލާފައިވާ ކަމުގައި، ތިމަން ކަލާނގެ ވަޙީ ކުރެއްވި ހިނދު، ހަނދުމަ ކުރައްވާށެވެ. އަދި، ތިމަން ކަލާނގެ ކަލޭގެފާނަށް ދެއްކެވި ދެއްކެވުމާ، އަދި، ޤުރުއާނުގައި ނިޢުމަތް ލައްވާފައިވާ ގަސް (އެއީ) މީސްތަކުންނަށް އިމްތިޙާނެއްކަމުގައި މެނުވީ، ތިމަން ކަލާނގެ ނުލައްވަމެވެ. އަދި، ތިމަން ކަލާނގެ އެއުރެންނަށް ބިރުދައްކަވައި، އިންޒާރު ކުރައްވަމެވެ. ފަހެ، ބޮޑުވެގެންވާ ދެކޮޅުވެރިކަން މެނުވީ، އެކަމުގެ ސަބަބުން، އެއުރެންނަށް، އިތުރެއް ނުވެއެވެ. (އިސްރާއު : 60)
*****
اللَّهُ الَّذِي خَلَقَ سَبْعَ سَمَاوَاتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوا أَنَّ اللَّهَ عَلَى كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا
ﷲ އީ، ހަތް އުޑު ހެއްދެވި މާތް ކަލާނގެއެވެ. އަދި، ބިމުންވެސް އެފަދަ މެއެވެ. ( އެބަހީ : އެކަލާނގެ ހަތް ބިން ހެއްދެވިއެވެ.) އެތަންތާނގައި، އެކަލާނގެ އަމުރުފުޅު ހިނގަ ހިނގާ ހުރެއެވެ. ހަމަކަށަވަރުން ﷲ އީ، ކޮންމެ ކަމެއްގެ މައްޗަށް ކުޅަދުންވަންތަ މާތް ﷲ ކަމާއި، ހަމަކަށަވަރުން، ﷲ ގެ ޢިލްމުފުޅު، ހުރިހާ އެއްޗެއްގެ ވަށައިގެންވާކަން، ތިޔަބައިމީހުންނަށް އެނގުމަށްޓަކައެވެ. (ޠަލާޤު : 12)
(ނުނިމޭ)
